5.bekkur í heimsókn í Þróttheimum

Þriðjudaginn 28.ágúst bauð félagsmiðstöðin Þróttheimar öllum nemendum 5.bekkjar í  heimsókn í félagsmiðstöðina. Það er okkur sönn ánægja að fá þennan flotta hóp til okkar í vetur og við hlökkum mikið til að sjá þau sem oftast á opnunum í félagsmiðstöðinni. Í Langholtsskóla eru fjórir 5.bekkir eða  alls 82 nemendur í þessum árgangi. Hér er því stór hópur á ferð og mikilvægt að við náum að sinna þeim eftir bestu getur.

Í ár fengu félagsmiðstöðvar Reykjavíkur aukið fjármagn til að sinna miðstigi skólanna betur og munum við því auka við opnanir í vetur fyrir þennan aldur. Börn fædd 2008 eiga kost á að mæta í Þróttheima alla mánudaga og miðvikudaga milli 14:30-15:30. Þau geta einnig sótt vikulegar smiðjur sem félagsmiðstöðvar Laugardals halda utan um alla föstudaga frá 15:00-17:00. Það þarf að skrá börnin í smiðjurnar í gegnum rafræna Reykjavík því takmarkaður fjöldi kemst að. Allt starfið í félagsmiðstöðinni er gjaldfrjálst og við leggjum mikið upp úr því að öll börn skólans hafi jöfn tækifæri til að sækja starf félagsmiðstöðvarinnar.

kveðjur

Starfsfólk Þróttheima