Árshátíð Vogskóla
Nú fer að líða að árshátíð Vogaskóla og undirbúningur á lokametrunum. Árshátíðin er skólaviðburður en við í Buskanum höfum fengið að aðstoða unglingana við undirbúninginn og haft sérstaklega gaman af að sjá hver mög ungmenni hafa komið að honum. Á morgun, miðvikudaginn 5. april er svo opið í Buskanum engöngu fyrir Árshátíðarnefndina þar sem verður lögð lokahönd á undirbúning auk þess sem þau fá tækifæri til að velta því aðeins fyrir sér hvernig undirbúningurinn gekk, hvað hefði betur mátt fara, hvað gekk vel og þeirra hlutverk í undirbúningnum og svo framvegis. Við leggjum mikla áherslu á að ígrunda á þennan hátt alla viðburði sem unglingarnir koma að, til að auka á það nám sem fram fer við þátttökuna. Unglingarnir hafa í öllum tilfellum verið mjög til í að taka þátt í slíkri ígrundun og oftar en ekki ánægð og stolt af eigin þátttöku í skipulagi viðburða.