Um Kringlumýri

Frístundamiðstöðin Kringlumýri
Safamýri 28
108 Reykjavík

Sími: 411 5400
Netfang: kringlumyri@reykjavik.is
Heimasiða: www.kringlumyri.is

Skrifstofa Kringlumýrar er opin alla virka daga milli kl. 08:15 og 16:00.

Frístundamiðstöðin Kringlumýri stendur fyrir viðamiklu frístundastarfi fyrir börn og unglinga á aldrinum 6 – 16 ára í Laugardals-, Háaleitis- og Bústaðahverfi.

Hjá Kringlumýri starfa um 320 starfsmenn í 130 stöðugildum. Starfsstaðir Kringlumýrar eru 15 samtal.
Frístundaheimilin eru níu  Gulahlíð Vesturhlíð 3 fyrir börn úr KlettaskólaNeðstaland við FossvogsskólaSólbúar við BreiðagerðisskólaKrakkakot við HvassaleitisskólaÁlftabær við ÁlftamýrarskólaVogasel við VogaskólaLaugarsel við LaugarnesskólaGlaðheimar við Langholtsskóla og nýjast viðbót Kringlumýrar er safnfrístundin Dalheimar sem þjónar 3. - 4.bekk Laugarnes- og Langholtsskóla. 
Félagsmiðstöðvarnar eru sex  Askja Safamýri 5 fyrir börn og unglinga í KlettaskólaBuskinn í VogaskólaBústaðir í kjallara BústaðakirkjuLaugó í LaugalækjarskólaTónabær við Safamýri Þróttheimar við Holtaveg.

Starfsmannahópurinn samanstendur af einstaklingum með fjölbreytta menntun, ólíkan bakgrunn og viðamikla reynslu af starfi með börnum og unglingum. Verkefni starfshópsins eru fjölbreytt og mörg krefjast sérhæfingar og sérþekkingar.

Í öllu starfi Kringlumýrar er lögð áhersla á að börnum og unglingum standi til boða frístundastarf sem hefur uppeldis- og menntunargildi og tekur mið af aldri þeirra og þroska. Þessi ár eru mikilvægt mótunarskeið og því er áhersla lögð á að efla þætti eins og félagsfærni, sjálfsmynd og virka þátttöku með skipulögðum hætti. Sérstaklega er hugað að því að virkja einstaklinga sem þurfa stuðning vegna fötlunar eða félagslegra aðstæðna. Kringlumýri starfar eftir hugmyndafræði „jákvæðrar nálgunar“ og reynslunáms ásamt lýðræðislegra vinnuaðferða.

Kringlumýri er þekkingarmiðstöð í málefnum fatlaðra. Í þekkingarmiðstöðinni starfa þrír starfsmenn, verkefnisstjóri á skrifstofu frístundamála í málefnum fatlaðra og tveir ráðgjafarþroskaþjálfar. Þekkingarmiðstöðin er í fararbroddi varðandi vinnu og hugmyndafræði í málefnum fatlaðra. Hún miðlar reynslu og þekkingu til allra frístundamiðstöðva og upplýsir um alla þróun sem á sér stað í málaflokknum sem skiptir starfsemina máli. Þekkingarmiðstöðin heldur utan um veittan stuðning á frístundaheimilum borgarinnar og veitir ráðgjöf inn í starf sértækra jafnt sem almennra félagsmiðstöðva eftir því sem við á. Á frístundaheimilum borgarinnar er veittur sértækur stuðningur til handa þeim börnum sem þess þurfa að áður uppfylltum skilyrðum. Megináhersla er lögð á að hinn sértæki stuðningur efli börnin félagslega og geri þeim kleift að taka þátt í almenna starfinu á eigin forsendum. Sem þekkingarmiðstöð frítímastarf fatlaðra barna og unglinga er það hlutverk Kringlumýrar að vera leiðandi í frítímastarfi fyrir þennan hóp.



Frístundakortið




Flýtileiðir


Breyta um leturstærð/Mínar stillingar


Leit