Félagsmiðstöðvadagurinn í Tónabæ

Miðvikudaginn næstkomandi, 1. nóvember verður félagsmiðstöðvadagurinn haldinn hátíðlegur um allt land. Hlutverk félagsmiðstöðvadagsins er að opna félagsmiðstöðvarnar og kynna það glæsilega starf sem þar fer fram.

Í Tónabæ verður opið hús kl 16:30-18:30, þar sem ungmenni og starfsfólk Tónabæjar kynnir starfið og sýnir hvað það þýðir að vera í félagsmiðstöðinni. Klukkan 18:00 verður svo skrekksatriði Háaleitisskóla sýnt og léttar veitingar í boði.

Við hvetjum alla fjölskylduna að kíkja saman í félagsmiðstöðina og skoða þetta flotta starf sem þar fer fram.