Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Frístundamiðstöðin Kringlumýri býður upp á frístundastarf  í sumar fyrir börn sem ljúka 5. – 7. bekk nú í vor. Um er að ræða mikið úrval af smiðjum og námskeiðum. Smiðjurnar sem eru í boði standa yfir í hálfan dag og námskeiðin sem eru í boði eru vikunámskeið . Nauðsynlegt er að  að skrá sig í hverja smiðju og hvert námskeið fyrir sig.

Mikill fjölbreytileiki er í dagskránni og því ættu öll börn á þessum aldri að geta fundið eitthvað við sitt hæfi. Tímabil starfsins er frá 11. júní til 11. júlí. Smiðjurnar og námskeiðin fara fram í félagsmiðstöðvunum í hverfinu og er það tilgreint við skráningu, ásamt því sem farið er í ferðir út um hvippinn og hvappinn.

Forráðamönnum er bent á að ekki er um vistun að ræða. Mæting í smiðjur og námskeið er á ábyrgð forráðamanna. Einnig er mikilvægt að börn komi klædd eftir veðri, með þann útbúnað sem er tilgreindur við smiðjuna ásamt hollu nesti og vatnsbrúsa.

Skráningar hefjast 16. maí kl. 10.00 – með fyrirvara um breytingar við óviðráðlegum ástæðum. 
http://sumar.fristund.is

Skráning er nauðsynleg í smiðjurnar og á námskeiðið vegna takmörkunar á hópastærð.

Gjaldskrá:
Sumarsmiðja – 680 krónur.  

Vikunámskeið – 4800 krónur.

Greiðsluskilmálar fyrir smiðjur og námskeið má sjá á vef Reykjavíkurborgar:
https://reykjavik.is/sites/default/files/greidsluskilmalar_i_sumarstarfi_sfs_2017.pdf

Athugið að ekki er hægt að nýta frístundakortið í sumarstarf á vegum SFS.

Ef foreldrar geta ekki nýtt sér rafræna innritun geta þeir farið á frístundamiðstöðvar SFS og fengið aðstoð við skráningu. Ekki er hægt að skrá börn í sumarstarf í gegnum síma. Starfsfólk frístundamiðstöðva og Símavers Reykjavíkurborgar (s. 411-1111) getur þó leiðbeint símleiðis ef forráðamenn eru við nettengda tölvu.

Deildarstjóri: Þórhildur Rafns Jónsdóttir, s: 411 5400

Alda Mjöll Sveinsdóttir, gsm: 695 5048
Ívar Orri Aronsson s: 411 5420, gsm: 695 5047
Sonný Lára Þráinsdóttir, s: 411 5410, gsm: 695 5086
Nánari upplýsingar: 411 5400, Þórhildur Rafns Jónsdóttirwww.kringlumyri.is

Starfsmenn miðstigs
  • Alexía Rut Hannesdóttir
    Alexía Rut Hannesdóttir Frístundaleiðbeinandi

    Alexía vinnur á mánudags- og miðvikudagskvöldum og annað hvert föstudagskvöld.

    • Sonný Lára Þráinsdóttir Forstöðumaður

      Félagsmiðstöðin Tónabær
      Safamýri 28 -108 Reykjavík

      Vinnutími: Alla daga og mánudags- og annað hvert föstudagskvöld

    • Katerina (Kató) Inga Lionaraki Aðstoðarforstöðumaður

      Félagsmiðstöðin Bústaðir
      Tunguvegi 25 – 108 Reykjavík

    • Alda Mjöll Sveinsdóttir Forstöðukona

      Félagsmiðstöðin Buskinn
      Við Gnoðavog – 104 Reykjavík

      Er í leyfi

    • Ívar Orri Aronsson Forstöðumaður

      Félagsmiðstöðin Bústaðir

      Tunguvegi 25 – 108 Reykjavík

    Dagskrá vikunámskeiða

    Vikusnámskeið:

    Vikunámskeiðin sem eru í boði:
    Í hverri viku verður unnið út frá ákveðnu þema í gegnum leiki, verkefni, vettvangsferðir og margt fleira. Í byrjun námskeiðs munu þátttakendur fá dagskrá fyrir vikuna. Námskeiðin eru alla virka daga frá kl.9.30 – 15.00.

    Útivistar- og heilsuvika (11.júní – 15.júní í Tónabæ) 
    Í þessari viku verður m.a. farið í sund, klifur, gönguferð, grillað, búið til heilsunammi og margt fleira.

    Framkomu- og tjáningarvika (18.júní – 22.júní í Þróttheimum).
    Hópurinn mun meðal annars fást við stuttmyndagerð, leikræna tjáningu og tónlistartengd verkefni. Farið í ýmsa leiki, ferðir og margt fleira.

    Vináttuvika (25.júní – 29.júní í Tónabæ).
    Leggjum áherslu á jákvæð samskipti og efla vináttufærni þátttakenda. Farið verður í ferðir, leiki, grillað og ýmislegt fleira skemmtilegt.

    Sjálfstyrkingar- og núvitundarvika (2.júlí – 6.júlí í Þróttheimum). 
    Unnið með félagsfærni, samskiptafærni, sjálfsþekkingu og núvitund í gegnum leiki, ferðir og fleira.

    Dagskrá dagssmiðja

    Dagssmiðjur:

    Smiðjur sem verða í boði: 
    Smiðjurnar eru frá kl.14.00 – 16.30.

    11. júní: Heimsókn í Dominos í Skeifunni

    Förum í heimsókn í Dominos í Skeifunni þar sem þátttakendur fá að búa til sína eigin pizzu. Hittumst í félagsmiðstöðinni Tónabæ og hjólum saman í í Dominos í Skeifunni. Hámarksfjöldi er 15 manns.

    12. júní: FOLF í Laugardal

    Farið verður í Frisbí Golf í Laugardalnum. Diskar verða á staðnum en einnig má mæta með eigin diska á eigin ábyrgð. Hittumst í félagsmiðstöðinni Þróttheimum

    13. júní: Bolastensl

    Þrykkjum á hvíta T-boli með taulitum. Bolir innifaldir í kostnaði. Hittumst í félagsmiðstöðinni Þróttheimum.

    14. júní: Human Clue í Bústöðum

    Skemmtilegur ráðgátuleikur þar sem fjöldi vísbendinga hafa verið faldar víðsvegar um húsnæði félagsmiðstöðvarinnar Bústaða. Þátttakendur keppast við tímann og er verkefni þeirra að finna út hver framdi morð, í hvaða herbergi og með hvaða morðvopni.

    15. júní: Vísindasmiðja

    Gerum skemmtilegar tilraunir saman og veltum fyrir okkur öflunum sem liggja þar að baki. Hittumst í félagsmiðstöðinni Þróttheimum.

    18. júní: Ratleikur í Húsdýra- og fjölskyldugarðinum

    Förum í skemmtilegan ratleik um Húsdýra- og fjölskyldugarðinn og kynnumst þannig garðinum á nýjan hátt. Hittumst í félagsmiðstöðinni Laugó.

    19. júní: Minute to win it! Í Tónabæ.

    Skemmtilegar þrautir sem allar þarf að leysa á innan við mínútu, byggt á sjónvarpsþættinum vinsæla. Hittumst í félagsmiðstöðinni Tónabæ.

    20. júní: Sundferð í Laugardalslaug

    Hittumst í félagsmiðstöðinni Laugó og löbbum saman þaðan í Laugardalslaugina.

    21. júní: Bakstur

    Hittumst í Laugó og bökum saman og höfum gaman. Allir þátttakendur fá að baka bæði bananabrauð og kókoskúlur til að taka með heim.

    22. júní: Tálgun

    Tálgum í tré undir handleiðslu sérfræðings í ævintýra- og útinámi. Hittumst í félagsmiðstöðinni Þróttheimum og göngum saman í Dalheima.

    25. júní: Skylmó

    Förum í hlutverkaleik með heimagerðum vopnum undir handleiðslu sérfræðings í ævintýra- og útinámi. Hittumst í félagsmiðstöðinni Þróttheimum og göngum saman í Dalheima.

    26. júní: Útileikir

    Hittumst í félagsmiðstöðinni Bústöðum og förum í klassíska útileiki eins og t.d. Kubb.

    27. júní: Hjólaferð í Elliðárdal

    Hittumst í félagsmiðstöðinni Bústöðum og förum í hjólaferð í Elliðárdal.

    28. júní: Heimsókn í Gufunesbæ

    Hittumst í félagsmiðstöðinni Tónabæ og heimsækjum Gufunesbæ sem er þekkingarmiðstöð í útinámi með frábært útivistarsvæði.

    29. júní: Tie Dye

    Hittumst í félagsmiðstöðinni Bústöðum og gerum Tie Dye. Gerum boli eða koddaver, þátttakendur mega endilega koma með boli til að gera Tie Dye.

    2. júlí: Bakstursmiðja í Laugó

    Hittumst í félagsmiðstöðinni Laugó og bökum og höfum gaman. Bökum Kryddbrauð og skúffuköku.

    3. júlí: Sundferð í Árbæjarlaug

    Hittumst í félagsmiðstöðinni Þróttheimum og tökum saman strætó í Árbæjarlaug.

    4. júlí: Tjaldborgir

    Hittumst í Dalheimum og gerum Tjaldborgir undir handleiðslu sérfræðings í ævintýra- og útinámi. Hittumst í félagsmiðstöðinni Þróttheimum og göngum saman í Dalheima.

    5. júlí: Vatnsstríð og Sápufótbolti í Tónabæ

    Hittumst í Tónabæ og förum í Sápufótbolta og vatnsstríð. Muna eftir handklæði og auka fötum.

    6. júlí: Sandkastalagerð í Nauthólsvík

    Hittumst í félagsmiðstöðinni Bústöðum og hjólum saman í Nauthólsvík þar sem við gerum sandkastala saman.

    9. júlí: Varðeldur

    Hittumst í Dalheimum og lærum að gera varðeld undir handleiðslu sérfræðings í Ævintýra- og útinámi. Hittumst í félagsmiðstöðinni Þróttheimum og göngum saman í Dalheima.

    10. júlí: Ljósmyndamaraþon í Húsdýra- og Fjölskyldugarðinum

    Hittumst í félagsmiðstöðinni Laugó og förum saman í Húsdýra- og fjölskyldugarðinn þar sem við förum í ljósmyndamaraþon.

    11. júlí: Sápurennibraut og grillveisla í Þróttheimum

    Hittumst í félagsmiðstöðinni Þróttheimum þar sem við rennum okkur í sápurennibraut og grillum pylsur.

    Námskeiðstímar

    10 – 12 ára smiðjur:

    Alla virka daga:
    Vikusmiðjur: 9:30 – 15:30

    Stuttar smiðjur: 14:00-16:30

    7. bekkjar opnanir:

    Auglýst síðar

    Contact Us

    We're not around right now. But you can send us an email and we'll get back to you, asap.

    Ólæsilegt? Breyttu textanum. captcha txt