Félagsmiðstöðvadagurinn í Bústöðum

Næstkomandi miðvikudag, 1. nóvember, verður haldið upp á  félagsmiðstöðvadaginn hátíðlega í Bústöðum og um landið allt. Hlutverk félagsmiðstöðvadagsins er að opna félagsmiðstöðvarnar og kynna það glæsilega starf sem þar fer fram.

Við bjóðum ungmennum og fjölskyldum þeirra frá 5-10. bekk úr Breiðagerðisskóla, Fossvogsskóla og Réttarholtsskóla, á opið hús hjá okkur frá kl. 19-21.

Á þessu opna húsi förum við í spurningakeppni og leiki, einnig munu starfsfólk og ungmenni kynna starfið sem fer fram í Bústöðum. Svo verða léttar veitingar í boði fyrir gesti og gangandi.

Við viljum hvetja alla fjölskylduna til að koma saman í félagsmiðstöðina og skoða þetta flotta starf sem fer þar fram.