Femínistafélag Þróttheima og Langholtsskóla stofnað
Blær, femínistafélag Þróttheima og Langholtsskóla, hélt stofnfund síðastliðinn mánudag í Þróttheimum. Helstu markmið Blæs eru að vinna að jafnrétti og jafnvægi kynjanna og vinna gegn kynjamisrétti. Félagið vill skapa vettvang og efla uppbyggjandi umræðu um málefni sem tengjast femínisma og standa fyrir fræðslu af ýmsu tagi og vinna að fjölbreyttum baráttumálum.
Þetta er fyrsta femínistafélag Langholtsskóla og Þróttheima og mikill áhugi hefur skapast fyrir því að vera hluti af femínistafélaginu á meðal nemenda. Á stofnfundinum var meðal annars rætt mikilvægi þess að hafa tíðarvörur ókeypis á salernum Langholtsskóla enda nauðsynjarvara sem ætti að vera kostnaðarlaus og þá sérstaklega í skólum. Í kjölfar fundarins var útbúin undirskriftarlisti þar sem skorað var á stjórn Langholtsskóla að bjóða uppá tíðarvörur endurgjaldslaust á salernum skólans. Hefur undirskriftasöfnunin gengið vel en hún hófst að morgni þriðjudagsins 12.mars og seinni part sama dags höfðu 135 manns skrifað undir listann. Við hlökkum mikið til að fylgjast með þessum öflugum og flottu unglingum taka virkan þátt í sínu nærsamfélagi.
Hægt er að fylgjast með starfsemi femínistafélagsins Blæs á samfélagsmiðlinum Instagram undir heitinu feministafelagidblaer.
Starfsfólk Þróttheimar