Fjársjóðsleit í haustfríi

Félagsmiðstöðvarnar Tónabær og Bústaðir hafa útbúið fjársjóðsleit fyrir fjölskyldur í haustfríi!

Fjársjóðsleitin fer þannig fram að þið gangið um hverfið með fjársjóðskortið ykkar og leitið að lykilstöðum í hverfinu. Þar finnið þið bleðil með upplýsingum um staðinn sem þið eruð á og getið skannað QR kóða með myndavélinni á símanum ykkar. QR kóðinn leiðir ykkur á vefsíðu þar sem þið svarið örfáum spurningum. Með því að senda inn svarið ykkar þá komist þið í happadrætti sem dregið verður úr að loknu vetrarfríi. Í verðlaun eru Menningarkort Reykjavíkurborgar og sundkort fyrir börn og fullorðna!

Því fleiri staði sem þið heimsækið, því meiri möguleika eigið þið á því að fá verðlaun!

Kortin eru annars vegar af Háaleitishverfi og hins vegar Bústaðahverfi, en bæði kort má nálgast hér og á instagram síðu Tónabæjar: Tonabaer

Megin markmið þessa fjársjóðsleik er að fjölskyldur eyði tíma saman, fari út í göngutúr og skapi gæðastund á meðan það kynnist hverfinu sínu 😊

Leikurinn hefst á fimmtudag 22. október og stendur yfir út mánudaginn 26. október!

Við minnum ykkur á að gæta að sóttvörnum, passa upp á tveggja metra regluna og skemmta ykkur vel.

Gleðilega útivist!