Fræðsla fyrir starfsfólk í Laugardalnum

Frístundaheimilin Glaðheimar, Laugarel, Dalheimar og Vogasel halda mánaðarlega fræðslu fyrir starfsfólk sitt og í gær fór fram önnur fræðsla vetrarins. Tinna Björk Helgadóttir fræddi okkur um hugmyndafræði Frístundalæsis sem er verkefni sem hún og Fatou Nesta Ndure bjuggu til. Þær hafa báðar mikla reynslu af frístundastarfi og störfðuðu báðar á sínum tíma í Glaðheimum. Fyrir þá sem vilja kynna sér frístundalæsi þá er tilvalið að kíkja á heimasíðuna þeirra hérna.

Fræðslan lagðist vel í starfsfólkið og vonandi fóru þau heim með fullt af skemmtilegum hugmyndum um hvernig má styrkja læsi barna í víðum skilningi í frístundastarfi.  Sem dæmi um fyrirmyndaklúbba í frístundalæsi sem við í laugardalnum höfum verið að vinna með má nefna Glaðheimapopp og lýðræðisklúbb Laugarsels. Næsta skref er svo að gera ennþá betur og nýta fleiri af þeim tækjum og tólum sem heimasíðan bendir okkur á að nýta.