Sumarnámskeið Laugarsels 

Á sumrin bjóðum við upp á leikjanámskeið, þar sem við gerum ýmislegt skemmtilegt eins og að fara á söfn, í sund, í almenningsgarða og margt skemmtilegt. Einnig erum við oft með sameiginlega viðburði með öðrum frístundaheimilum Kringlumýri eins og Ólympíudag, vatnsstríð, skylmómót og fleira.

 

Dagskráin í sumarfrístund stendur yfir frá kl. 9:00-16:00, en hægt er að bæta við viðbótarklukkustund fyrir og eftir, þ.e. kl. 8-9 og/eða kl. 16-17. Foreldrar geta þá valið að bæta við einni eða tveimur klukkustundum og greiða þá aukalega fyrir það.

 

Skráningarfrestur er föstudaginn, áður en viðkomandi námskeið hefst, klukkan 12:00 og afskráningafrestur er á sunnudeginum klukkan 00:00, með viku fyrirvara (Dæmi ef námskeið hefst mánudaginn 15.júní, þá er skráningarfresturinn til 12:00 föstudaginn 12.júní og afskráningarfresturinn er til miðnættis sunnudagsins 7.júní). Til að afskrá þarf að senda tölvupóst á laugarsel@rvkfri.is

 

Skráning á sumarnámskeið Laugarsels fer fram hér.

 

Hér má sjá dæmi um dagskrár síðustu ára. Einnig má sjá nestisviðmiðin okkar, en börnin koma sjálf með 3 nesti yfir daginn. Dagskrár og nestisviðmið eru send út á föstudögum vikuna áður.