Frístundalæsi í Dalheimum
Einu sinni í mánuði hittist starfsfólk frístundaheimilanna í Laugardalnum og fræðast um ýmislegt sem tengist frístundastarfi. Á dögunum sóttu þau fyrirlestur um hvernig nýta má vettvang frítímans til að efla læsi. Frístundalæsi felst í að efla gagnrýna hugsun, félags- og samskiptafærni sem og auka samfélagsvitund svo fátt eitt sé nefnt.
Í Dalheimum hafa krakkarnir verið með útvarpsþætti, tekið viðtöl og gert kannananir. Þau hafa skipulagt viðburði, ræktað grænmeti, kortlagt tungumálakunnáttu sína og margt fleira en allt þetta styður við læsi í víðum skilning. Við hlökkum til að sjá hvernig krakkarnir vilja leika sér með frístundalæsi í vetur.
Meira um hugmyndafræði frístundalæsis og aðrar gagnlegar upplýsingar má nálgast hér.