Glæsileg frammistaða hjá þróttheimamönnum á borðtennis- og poolmóti Samfés.
Á laugardeginum, þann 23. mars fóru fram borðtennis, pílukast, pool og foosballmót Samfés. Það fóru keppendur fyrir hönd þróttheima í bæði borðtennismótið og hinsvegar poolmótið.
Það var hann Dagur Stefánsson í 8. bekk sem keppti fyrir hönd Þróttheima í borðtennismóti Samfés sem fór fram í ÍTR. Þar var fjöldi keppenda af öllu landinu sem tóku þátt og samkeppnin var hörð, en á endanum náði hann Dagur 1. sæti fyrir hönd Þróttheima. Þetta er þá fjórða árið í röð sem að Þróttheimar hafa borið sigur á borðtenniskeppni Samfés.
Þróttheimar náðu einnig góðum árangri á poolmóti Samfés sem fór fram á Snooker og pool stofunni í Lágmúla. Það var hann Magni Már Rósmann sem keppti fyrir hönd Þróttheima á poolmótinu.
Magni náði að komast í 8 manna úrslit og komst ansi nálægt því að komast í undanúrslit, sem er glæsilegur árangur í keppni þar sem það koma keppendur allstaðar af landinu. Hann hafði verið að æfa stíft í þróttheimum fyrir keppnina og árangur þess sýndi sig klárlega þegar það kom að keppninni sjálfri.
Við í Þróttheimum óskum Degi og Magna innilega til hamingju með frábæran árangur!