Haustið fer af stað
Nú eru öll börn sem sótt hafa um komin í Laugarsel og ráðningar langt á veg komnar, þó vantar nokkra starfsmenn enn til að koma starfseminni á fullt og hefja smiðjur og klúbbastarf.
Starfsfólkið okkar er yndislegt og fjölbreytt með ýmis áhugamál sem nýtast vel í Laugarseli.
Við minnum á upplýsingasíðuna (um Laugarsel) okkar, þar eru öll símanúmer, myndir af starfsfólki, matseðill mánaðarins og frístundadagatalið, en þar sjáiði hvaða dagar eru heilir dagar í Laugarseli. Heilir dagar eru dagar þar sem er lokað í skólanum en opið í Laugarseli og starfsemi allan daginn. Þeir eru merktir gulir á frístundadagatalinu.
Við hvetjum ykkur að skoða nýja reglugerð varðandi undanþágu frá greiðslu gjalda fyrir dvöl á frístundaheimili vegna barna sem eru að hefja skólagöngu á Íslandi.
Annars minnum við á bekkjarsímana, 1.bekkur 664-7675 og 2.bekkur 664-7671 og vefpóstinn okkar laugarsel@reykjavik.is.
Við þökkum fyrir ánægjulega byrjun á haustinu, vinsemd og skilning.