Hrekkjavaka!

Köngulóin sem Ásta bjó til

Seinasta miðvikudag var Hrekkjavakan sjálf en börnin voru búin að vera spennt fyrir henni í marga daga. Á Hrekkjavökunni máttu börnin klæðast búningi í Krakkakoti með þeim skilyrðum að þau myndu klæða sig í hann í Krakkakoti. Börnin mættu mörg í mjög flottum búningum, allt frá zombie, nornum, prinsessum og sjóræningjum svo eitthvað sé nefnt. Starfsmennirnir voru einnig hvattir til þess að klæðast búningi og mættu flest allir í búning en hún Selma starfsmaður vann „búningaverðlaunin“ fyrir að vera í hræðilegasta og besta búningum að sögn krakkana.

Ásta og Stella unnu kröppum höndum við að klára að skreyta ganginn á Krakkakoti áður en krakkarnir komu en gangurinn var skreyttur með köngulóm sem Ásta bjó til, draugaperli sem börnin voru búin að vera búa til í Krakkakoti og svo hvítum og svörtum stöfum sem stöfuðu Hrekkjavaka sem Stella bjó til. Einnig voru settir ruslapokar fyrir gluggana til að dekkja ganginn. Við fengum fullt af hrósum yfir því hve gangurinn var orðinn flottur og hræðilegur og erum við svo þakklát fyrir hrósið. Aldrei að vita að gangurinn verði aftur skreyttur yfir desember- mánuð og þá með jóladóti.

Það var margt í boði fyrir börnin en þau máttu flakka á milli herbergja og skoða það sem þeim langaði að gera. Það sem var í boði fyrir börnin var andlitsmálning hjá Ástu og Guggu, hrekkjavökuföndur með Frikka, partý inn í íþróttasal með Aski og Selmu. Svo var Hafdís með 4. bekkjarfjör inn í Hornherbergi en þar fengu þau að mála steina.

Börnin skemmtu sér mjög vel á Hrekkjavökunni og erum við í skýjunum yfir því hve vel allt heppnaðist. Krakkakot þakkar fyrir frábæra Hrekkjavöku og hlökkum við til að endurtaka leikinn á næsta ári!