Jónsi í heimsókn
Þessa vikuna höfum við verið svo heppin að hafa hann Jónsa í heimsókn hjá okkur hér í Krakkakoti. Jónsi er íþróttagarpur Kringlumýrar og flakkar á milli frístundaheimila og heldur klúbba með ýmsum skemmtilegum leikjum og íþróttum.
Á mánudag var Jónsi úti með nokkrar gerðir af skotbolta, t.d. víkinga-, dans- og fótboltaskotbolta. Krökkunum fannst mjög gaman að læra nýjar gerðir af skotbolta og sóttu vel í hann.
Á fimmtudag fór Jónsi með krakkanna út í ýmsa leiki. Þar var prufað leikina Sprengjuspilið og Hoppu steinn, skæri, blað. Þeir leikir urðu mjög vinsælir meðal krakkana og allir skemmtu sér mjög vel.
Á föstudag fór Jónsi í leikinn „Hvað er í kassanum?“ þar sem börninn áttu að stinga höndunum inn í kassa með bundið fyrir augun og geta hvað væri í honum með því að snerta hlutina. Krökkunum fannst það vera mjög skemmtilegt og mikið stuð.
Í leikjakoti var svo settur upp verðlaunaveggur þar sem settir voru vinningshafar leikjanna.