Laugarselssáttmáli
Á mannréttindadegi barna, 20.nóvember síðast liðinn, var hafin vinna að gera Laugarselssáttmála sem er partur af réttindafrístund. Markmiðið var sáttmálinn kæmi frá börnunum í Laugarseli, það var gert með því var farið meðal barnanna og rætt við þau hvað þau vildu hafa í sáttmálanum. Allir sem vildu hafa áhrif á sáttmálann komu sínu á framfæri. Hugmyndir barnanna voru skráðar á blað og síðar farið yfir hvað kom helst fram og sáttmálinn settur upp. Sáttmálinn felur í sér hvernig við viljum koma fram við hvort annað og hegða okkur. Hér fyrir neðan má sjá sáttmálann en hann er hugarsmíð barnanna í Laugarseli.
Í vikunni var haldinn fyrsti mikilvægur fundur ársins, þá var farið yfir hugmyndirnar í hugmyndakassanum og þær flokkaðar af börnunum í hægt, kannski hægt og óframkvæmilegar eða grínhugmyndir. Að lokum var farið yfir hugmyndirnar sem var hægt að framkvæma og kosið um tvær sem að verða framkvæmdar í næstu viku. Hugmyndirnar sem urðu fyrir valinu að þessu sinni var að hafa tafl og að hafa skotbolta.
Í febrúar er stefnt að því að hafa kosningar varðandi matseðil í mars, en það er partur af réttindafrístund til að kenna börnunum lýðræði.