Laugó opnar eftir sumarfrí
Þá er starfið hafið aftur eftir sumarfrí og leggjum við ótrauð inn í veturinn 2020/2021.
Þessa vikuna eru 5. bekkir Laugarnesskóla að heimsækja félagsmiðstöðina með kennurunum sínum og fá þá að kynnast dagskránni og því sem starfið hefur upp á að bjóða. Allir foreldrar og/eða forráðamenn ættu einnig að vera komnir með dagskrána í tölvupósti. Ef ekki má sjá hana hér. Einnig má þar sjá alla opnunartíma. Við bjóðum 5. bekk því hér með hjartanlega velkomna í Félagsmiðstöðina Laugó.
Nemendaráð 8.-10. bekkjar skólans og Laugó er nú komið á gott skrið og mun fyrsti viðburður þess verða haldinn 23. september nk.
Fyrsta opnun Laugó var haldin þriðjudaginn 25. ágúst með 10. bekkjar kvöldi en þau eru nýjung hjá okkur. Í fyrsta skipti í vetur verður því opið 4. virk kvöld en einskorðast þriðjudagskvöld einungis við 10. bekk. Mánudags-, miðvikudags- og föstudagskvöld verða enn opin fyrir alla í 8.-10. bekk nema annað komi fram. Að auki er opið fyrir þessa árganga á þriðjudögum og fimmtudögum frá 13:30-16:00.
Á næstu vikum munum við svo hóa saman nýju 7. bekkjar ráði sem mun sjá um skipulagningu viðburða árgangsins.
Dagskrá allra árganga verða að mestum hluta í umsjá þeirra sjálfra svo spennandi er að sjá hvað verður gert í hverjum mánuði.
Ásta Björg Björgvinsdóttir er komin til baka úr fæðingarorlofi í starf forstöðumanns og því hefur Ólafur Þór Jónsson lokið störfum. Við þökkum honum kærlega fyrir frábærar stundir í Laugó og óskum honum velfarnaðar á nýjum stað. Halldóra Kristín Unnarsdóttir (Dóra) mun áfram sinna starfi sínu sem aðstoðarforstöðumaður.
Við fögnum því að sjá gamla og nýja nemendur í félagsmiðstöðinni og hlökkum til vetrarins og þeim ótal ævintýrum hann býður uppá.
Hlýjar kveðjur,
Starfsfólk Laugó