Starfsmannafræðsla í Laugardalnum

Frístundaheimilin í Laugardalnum, Glaðheimar, Dalheimar, Laugarsel og Vogarsel, standa saman að mánaðarlegri fræðslu fyrir starfsfólk frístundaheimilanna. Fræðslurnar eru fyrsta þriðjudag hvers mánaðar og er markmiðið að bjóða starfsfólkinu uppá stutta hugvekju sem styrkir þau í starfi eða persónulega. Fræðslan í gær var um fjölmenningarsamfélög og fengum við Dagbjörtu Ásbjörnsdóttur sem starfar sem sérfræðingur í fjölmenningu fyrir skóla og frístundasvið til þess að fræða okkur um málefnið. Þar fór hún meðal annars yfir kosti þess að búa í fjölmenningarsamfélagi og ræddum við hvernig mismunandi siðir og venjur annara menningarheima geta birst okkur í fjölbreyttum barnahópi.

Fyrr  í vetur höfum við meðal annars fengið fræðslu um læsi og samskipti barna frá miðju máls og læsis, núvitund og styrkleika-fræðslu frá Guðrúnu Snorradóttur og vináttufærni fræðsla svo eitthvað sé nefnt.