Stórskemmtilegar síðustu vikur!
Það er búið að gerast margt skemmtilegt í Krakkakoti á síðustu vikum. Það hafa verið m.a. 3. og 4. bekkjarfjör, barnaráðsfundir og ýmsir skemmtilegir klúbbar, svo eitthvað sé nefnt.
Á barnaráðsfundunum er farið yfir þær hugmyndir sem koma úr hugmyndakassanum en fundarnir eru haldnir aðra hverja viku. Hugmyndirnar eru svo flokkaðar í þrjá flokka það sem er hægt að framkvæma, kannski hægt að framkvæma og loks ekki hægt eða grín hugmyndir. Í lok hverja funda er farið yfir hugmyndirnar í hægt að framkvæma flokknum og þar kosið um tvær hugmyndir sem verða svo framkvæmdar í vikunni eftir á. Barnaráðið hefur valið ýmislegt skemmtilegt til að gera eins og t.d. að búa til kókoskúlur, fara í Roblox í tölvum og borða Sun Lolly og svo fleira.
Það hefur margt gerst í 3. og 4. bekkjarfjöri en í síðustu viku fóru þau t.d. í ísferð í Vesturbæjarís. Þar fengu krakkarnir að velja sér annaðhvort súkkulaði, vanillu- eða jarðaberjaís. Krakkarnir fannst ísinn vera mjög góður og voru verulega ánægð eftir ferðina. Þetta er mjög vinsæll liður í 3. og 4. bekkjarfjöri og því alltaf jafn skemmtilegt.
í hverri viku höfum við svo haft uppáhalds teiknimynd starfsmanns en þar fær starfsmaður að sýna krökkunum sína uppáhalds teiknimynd, við höfum horft m.a. á Anastasía og Zootropolis. Við höfum byrjað með jólaföndursklúbb en þar búa börnin til heimagert jólaskraut eins og t.d. jólastjörnur, músastiga og snjókarla, sem er hengt hér upp í Krakkakoti. Það er eitthvað komið upp en markmiðið okkar er að skreyta allann ganginn með heimagerðu skrauti fyrir jól.
Þangað til næst!