Tíðindi vikunnar
Við höfum margt sýslað í Dalheimum þessa vikuna, enda erum við sannkallaðir sýslumenn og dugnaðarforkar.
Mánudagur til mæðu, sagði einhver, en viðkomandi hefur sennilega ekki varið sínum mánudögum í Dalheimum. Hér voru bakaðar dýrindis kökur, skot fyrir kvikmynd fest á filmu ásamt almennu klúbbastarfi. Restin af vikunni var nú ekki síðri, en Draugasöguklúbbur varð til í Hreiðrinu þar sem leiklesnir eru nokkrir draugalegir kaflar úr bókinni Rökkurhæðir, eftir Mörtu Hlín Magnadóttur, á hverjum degi.
Ungir, atorkusamir umhverfissinnar tóku sig til og „plokkuðu“ í nærumhverfinu ásamt spretthörðustu ungu konu landsins. Geri aðrir betur!
Þá gæti verið að meðal okkar leynist framtíðar-arkitekt eða innanhússhönnuður, en lítil pappakassahús hafa risið upp á ógnarhraða í listasmiðjunni, hvert öðru glæsilegra.
Hér að neðan eru myndir, tilraunir til að fanga sköpunarkraftinn og gleðina í Dalheimum.
Hlýjar kveðjur og góða helgi!