Draugahúsið í Þróttheimum
Félagsmiðstöðin Þróttheimar heldur utan um draugahús fyrir hverfið í tilefni af Halloween. Draugahúsið er alltaf jafn vinsælt og voru það nemendur í unglingadeild Langholtskóla, foreldrar og starfsmenn Þróttheima sem komu að skipulagi og uppsetningu Draugahúsins. Opið var fyrir unglingadeild í Langholtsskóla á þriðjudaginn 29. okt og miðvikudaginn 30. okt verður opið fyrir fjölskyldur og vini. Draugahúsið verður alltaf hryllilegra með hverju árinu og í ár var 10 ára aldurstakmark inn og biðjum við foreldra og forráðamenn 10-12 ára barna að koma með og fylgja þeim í gegn.
Draugahúsið er skemmtilegt samvinnu verkefni milli foreldra, ungmenna og félagsmiðstöðvarinnar og er alltaf mikill spenningur fyrir þessum viðburði. Í ár mættu rúmlega 100 ungmenni úr unglingadeild Langholtsskóla. Á myndinni hér fyrir ofan má sjá flottu unglingana sem voru að leika í draugahúsinu.
Í kvöld miðvikudaginn 30. október er opið frá kl. 19:00-21:00 að Holtavegi 11 og tökum við vel á móti fjölskyldum, vinum og fleirum.
Hlökkum til að sjá ykkur!