Febrúar í Neðstalandi
Heil og sæl!
Það var mikið brallað í Neðstalandi núna í febrúar og öskudagurinn var klárlega hápunktur mánaðarins! Þá var kötturinn sleginn úr tunnunni, barist í skylmó, dansaður stoppdans ásamt því að boðið var uppá ís og spari nesti í síðdegishressingunni.
Klúbbastarfið hjá okkur í Neðstalandi er ennþá í fullum gangi og sló vísindaklúbburinn heldur betur í gegn! Einnig voru klúbbar líkt og skákklúbburinn, tónlistarklúbburinn og íþróttaklúbburinn ákaflega vinsælir í mánuðinum sem og perlur og kaplakubbar.
í marsmánuði stefnum við á að halda áfram með nýja klúbba og fá enn fleiri hugmyndir frá krökkunum um hvað þau vilja sjá meira af í Neðstalandi 🙂
Kær kveðja,
Neðstaland