Félagsmiðstöðvadagurinn í Þróttheimum

Félagsmiðstöðvadagur Samfés og félagsmiðstöðva um land allt verður haldinn hátíðlegur á miðvikudaginn 19.október. Félagsmiðstöðin Þróttheimar býður fjölskyldur allra nemenda á mið- og unglingastigi í Langholtsskóla velkomnar í félagsmiðstöðina yfir daginn. Boðið verður upp á veitingar yfir opnunina í félagsmiðstöðinni og haldin verður stórfengleg spurningakeppni á milli fjölskyldna. Opið verður fyrir nemendur á miðstigi og fjölskyldur þeirra frá kl. 17:00-19:00 og sömuleiðis verður opið fyrir nemendur á unglingastigi og fjölskyldur þeirra frá kl. 20:00-22:00. Allir sem mæta fá að sjálfssögðu mætingarstig eins og hefð er fyrir í Þróttheimum og þess vegna tilvalið að taka með sér gesti til að safna að sér mætingarstigum á þessari skemmtilegu opnun.