Askja – Félagsmiðstöð
Félagsmiðstöðin Askja
Félagsmiðstöðin Askja
Suðurhlíð 9
105 Reykjavík
Netfang: Askja@rvkfri.is
Sími: 411-5471
Askja er félagasmiðstöð fyrir nemendur á mið-og unglingastigi í Klettaskóla. Starfsemi Öskju fer fram eftir að skóladegi líkur til 17:00.
Í Öskju leggjum við mikla áherslu á unglingalýðræði og höldum unglingaráðsfundi reglulega. Unglingarnir hafa þannig áhrif á það sem er gert í skipulögðu starfi í félagsmiðstöðinni.
Á hverjum degi er í boði val. Unglingarnir velja á milli þriggja valmöguleika. Eftir val er frjáls tími, en þá er hægt að finna sér ýmislegt til dundurs. Má sem dæmi nefna úrval borðspila, playstation tölvu, fótboltaspil og fleira. Auk þess förum við oft út og finnum upp á ýmsu skemmtilegu að gera.
Á föstudögum erum við með föstudagsfjör og þá er heldur betur FJÖR. Við syngjum í karíókí, erum með bingó, förum í leiki, horfum á skemmtilegar bíómyndir og margt fleira, eftir því hvernig liggur á okkur.
Starfsmenn
Starfsmenn
-
Klara Bjarnadóttir Stuðningsfulltrúi í sértæku starfi
Langir dagar
Leiðarljós og gildi
Fagmennska-Gleði-Fjölbreytileiki
Í frístundastarfi er leitast við að bjóða upp á spennandi viðfangsefni svo allir fái útrás fyrir leik- og sköpunarþörf. Leiðarljós er að hver einstaklingur fái að njóta sín og þroskist í umhverfi sem einkennist af hlýju, öryggi og virðingu. Lögð er áhersla á að þroska félagslega færni í samskiptum í gegnum leik og starf sem og virðingu fyrir sjálfum sér, öðrum og umhverfi sínu. Lýðræðislegir starfshættir eru notaðir til að efla hæfni til að hver og einn geti mótað sér sjálfstæðar skoðanir og hafi þannig áhrif á umhverfi sitt og aðstæður.
Nemendaráð
Nemendaráð
Askja heldur utan um nemendaráðið í Klettaskóla, en nemendaráðið fundar á 2 vikna fresti. Fundinum stjórna aðstoðarforstöðumenn í unglingastarfi auk fulltrúa kennara Klettaskóla. Fundurinn er í húsnæði Klettaskóla á miðvikudögum kl 13:40. Nemendaráðið er opið, sem þýðir að allir áhugasamir unglingar í 8.-10. bekk í Klettaskóla geta mætt á fundinn. Minni nefndir og ráð eru svo skipuð í tengslum við stærri viðburði. Fulltrúar frá Öskju taka einnig þátt í Ungmennaráði Sexunnar (ungmennaráð Kringlumýrar) og Ungmennaráði sértækra félagsmiðstöðva í Reykjavíkurborg.
Í Öskju er starfandi Krakkaráð í 10-12 ára starfinu, en þar fá þjónustunotendur á miðstigi tækifæri til að hafa áhrif á starfi í Öskju, kjósa um hvað er í boði í Klúbbastarfi og/eða í síðdegishressingu. Krakkaráðið starfar með barna- og unglingalýðræði að leiðarljósi.
Klúbbastarf
Klúbbastarf
Ungmennaklúbbur 1 8.-10.bekkur
Skipulagður klúbbur sem eflir hæfni ungmennanna í að vinna í hóp, ungmennin munu seinna skíra hópinn sjálf.
Ungmennaklúbbur 2 8-10. bekkur
Skipulagður klúbbur sem eflir hæfni ungmennanna í að vinna í hóp, ungmennin munu seinna skíra hópinn sjálf.
Ungmennaklúbbur 1 5.-7. bekkur
Skipulagður klúbbur sem eflir hæfni ungmennanna í að vinna í hóp, ungmennin munu seinna skíra hópinn sjálf.
Ungmennaklúbbur 2 5-7. bekkur
Skipulagður klúbbur sem eflir hæfni ungmennanna í að vinna í hóp, ungmennin munu seinna skíra hópinn sjálf.
Hreyfing og útivera
Skipulagðir leikir eða íþróttir í íþróttasal eða úti ef veður leyfir, markmið klúbbsins er að efla félagsfærni ungmenna í gegnum íþróttir og skipulagða leiki.
Föndurklúbbur
Finna nýjar og fjölbreyttar leiðir til að börnin eigi góða stund með öðrum ungmennum og starfsmönnum í gegnum list og sköpun.
Tækniklúbbur
Nota tölvur og tölvuleiki til að efla félagsfærni ungmennanna. Markmið klúbbsins er að kenna ungmennunum að nota tölvur og vinna saman.
Föstudagsfjör
Mismunandi dagskrá í hverri viku, leynigestir, skemmtun og almennt fjör.
Kvöldopnanir
Kvöldopnanir fyrir ungmenni í Öskju er á hverju miðvikudagskvöldi
