Bústaðir – Félagsmiðstöð

Í Bústöðum er í gildi aðgerðaráætlun sem unnin var í samvinnu við hinar félagsmiðstöðvar Kringlumýar. Aðgerðaráætlunin hefur það að marki að skýrar áætlanir séu til fyrir starfsfólk Bústaða til að ná þeim markmiðum sem sett eru fyrir félagsmiðstöðvastarfið. Fyrir hvert skólaár er sett niður ákveðin framtíðarsýn og fyrir hvern lið hennar eru sett markmið sem lúta að því að láta þá framtíðarsýn rætast.

Framtiðarsýn og markmið Bústaða eru eftirfarandi:

Að vera leiðand í eflingu félagsþroska og samfélagsvitund barna og unglinga í Laugardals-, Háaleitis- og Bústaðahverfi

• Efla sértækt hópastarf
• Efla virkt unglingalýðræði
• Skapa vettvang fyrir óformlegt nám

Að veita heilstætt frítímastarf fyrir aldurinn 10-16 ára í Laugardals-, Háaleitis- og Bústaðahverfi.

• Allar félagsmiðstöðvar hverfisins séu með heilsársopnun
• Kortleggja þjónustuþörf barna og unglinga í hverfinu
• Móta stefnu í félagsmiðstöðva í ljósi aukningu á fátækt barna

Að starfsfólk félagsmiðstöðva fái þjálfun og fræðslu við hæfi til að starfa með börnum og unglingum í Laugardals-, Háaleitis- og Bústaðahverfi.

• Búa til fræðslu áætlun fyrir deildina sem nær yfir heilt ár.
• Búa til tímaplan fyrir unglingastarf sem nær yfir allt árið
• Endurskoða starfslýsingu frístundaráðgjafa og frístundaleiðbeinenda
• Búa til handbók starfsfólks félagsmiðstöðvanna

Auka samráð og samstarf við alla aðila sem koma að málefnum barna og unglinga æi Laugardals-, Háaleitis- og Bústaðahverfi.

• Búa til samráðshóp foreldra og félagsmiðstöðva
• Fastmóta samráðsfundi með: Umsjónakennurum, skólastjórnendum, námsráðgjafa, hjúkrunarfræðingi, þjónustumiðstöð og lögreglu

Að vera heilsueflandi félagsmiðstöð

• Innleiða meiri útiveru og útivist í starf félagsmiðstöðva
• Bjóða upp á holla hressingu í félagsmiðstöðinni. Að takmarka óhollustu í starfi félagsmiðstöðva.
• Hreyfing sé fastur hluti af starfi félagsmiðstöðva
• Móta stefnu í forvarnarmálum varðandi tóbak og önnur vímuefni sem og um kynheilbrigðismál.

Framtíðarsýn þessi og markmiðin eru sameiginleg öllum fimm félagsmiðstöðvum Kringlumýrar. Fyrir hvert þessara markmiða er að lágmarki ein aðgerð, sem hefur afmarkaðan tíma, ábyrgðaraðila auk þess sem skilgreint er hvernig skuli metið hvort markmiðið hafi náðst. Þessar aðgerðir eru ýmist sameiginlegar milli félagsmiðstöðvanna eða sérsniðnar að Bústöðum og þeim börnum og unglingum sem sækja félagsmiðstöðina.

Bústaðir setja sér einnig markmið í aðgerðaráætlun á ári hverju og í ár er lögð mikil áhersla á virka þátttöku, forvarnir og aukið samstarf með samstarfsaðilum í hverfinu. Markmiðin eru:

• Búa til viðburðarklúbb innan Bústaða. Klúbbur sem er opinn öllum nemendum Réttarholtsskóla og kemur að innra starfi Bústaða. Hópur sem tekur virkan þátt í að móta félagsmiðstöðina til framtíðar hvað varðar húsnæðismál og skipulagningu þeirra. Klúbburinn kallast Búsfélagið og sér einnig að miklu leyti um dagskrágerð.
• Partur af starfi hlutastarfsmanna að vera með klúbb.
  Hugmynd: 2 starfsmenn í hvern klúbb sem myndi geta myndað teymi innan tveggja klúbba þar sem að einn í hverju teymi bæri ábyrgð á einum klúbb á meðan hinn bæri ábyrgð á hinum klúbbnum(Teymisstarf) ef þess þarf. Koma á laggirnar klúbb innan fyrstu 2 mánuði af starfinu.
• Betri Bústaðir: Samstarfsverkefni með grunnskólum, foreldrafélögum, íþróttafélaginu, skátunum og þjónustumiðstöð þar sem unnið er að aukinni lýðheilsu barna- og unglinga í hverfinu. Sjónum er beint að svefni, orkudrykkjum og rafrettum.

Til að nálgast upplýsingar eða koma á framfæri einhverju tengdu aðgerðaráætlun er hægt að hafa samband við forstöðu- eða aðstoðarforstöðumenn Bústaða eða á bustadir@rvkfri.is.