Sumarstarf unglingadeilda

Sumar 2021 – Í sumar mun Frístundamiðstöðin Kringlumýri standa fyrir öflugu sumarstarfi fyrir unglinga sem voru að klára 8. – 10. bekk. Opið verður í tveimur félagsmiðstöðvum í Kringlumýri öll mánudags-  og miðvikudagskvöld. Þar að auki verðum við með færanlega félagsmiðstöð sem verður á föstudagskvöldum. Opnunartími er hér á síðunni til hægri.

Að auki munu félagsmiðstöðvarnar vera með fjóra unglingavinnuhópa fyrir ungmenni. Vinnan mun byggjast upp á hefðbundnum vinnuskólaverkefnum, meðal annars allskonar verkefni í félagsmiðstöðvunum í bland við það verður líka hópefli og sjálfsstyrking auk fræðslu. Einnig verður einn hópur samansettur af unglingum í 8. bekk.

Sumarstarf unglingadeildar í Kringumýri verður starfrækt á fimm stöðum:

Þróttheimar, Holtavegi 11.
Tónabær, Safamýri 28.
Bústaðir, Tunguvegi 25.
Laugó, Leirulæk 2.
Buskinn, við Gnoðavog

Á mánudögum verður opið í Þróttheimum og Bústöðum
Á miðvikudögum verður opið í Tónabæ og Buskanum
Á föstudögum verður opið einhverjum af þessum 5 stöðum en þar verður auglýst jafnóðum. Ef það verða opnanir í Laugó er þær auglýstar sér.

Ungmennum er að sjálfsögðu frjálst að sækja sumaropnanir félagsmiðstöðva þvert á hverfi.