Þróttheimar – Félagsmiðstöð

Markmið félagsmiðstöðvarinnar Þróttheima er að bjóða upp á heildstæða og faglega þjónustu þar sem uppeldisgildi frímtímastarfs eru höfð að leiðarljósi. Í því felst að skapa umhverfi og aðstæður þar sem hægt er að þjálfa lykilfærni hjá börnum og unglingum með áherslu á samskiptafærni, félagsfærni, virkni og þátttöku ásamt styrkingu sjálfsmyndar.

Í Þróttheimum er í gildi aðgerðaráætlun sem unnin var í samvinnu við hinar félagsmiðstöðvar Kringlumýrar. Aðgerðaráætlunin hefur það að marki að skýrar áætlanir séu til fyrir starfsfólk Þróttheima til að ná þeim markmiðum sem sett eru fyrir félagsmiðstöðvastarfið. Fyrir hvert skólaár er sett niður ákveðin framtíðarsýn og fyrir hvern lið hennar eru sett markmið sem lúta að því að láta þá framtíðarsýn rætast.

Framtíðarsýn og markmið Þróttheima eru eftirfarandi:

Að vera leiðandi í eflingu félagsþroska og samfélagsvitund barna og unglinga í Laugardals-, Háaleitis- og Bústaðahverfi

• Efla sértækt hópastarf
• Efla virkt unglingalýðræði
• Skapa vettvang fyrir óformlegt nám

Að veita heilstætt frítímastarf fyrir aldurinn 10-16 ára í Laugardals-, Háaleitis- og Bústaðahverfi.

• Allar félagsmiðstöðvar hverfisins séu með heilsársopnun
• Kortleggja þjónustuþörf barna og unglinga í hverfinu
• Móta stefnu í félagsmiðstöðva í ljósi aukningu á fátækt barna

Að starfsfólk félagsmiðstöðva fái þjálfun og fræðslu við hæfi til að starfa með börnum og unglingum í Laugardals-, Háaleitis- og Bústaðahverfi.

• Búa til fræðslu áætlun fyrir deildina sem nær yfir heilt ár.
• Búa til tímaplan fyrir unglingastarf sem nær yfir allt árið
• Endurskoða starfslýsingu frístundaráðgjafa og frístundaleiðbeinenda
• Búa til handbók starfsfólks félagsmiðstöðvanna

Auka samráð og samstarf við alla aðila sem koma að málefnum barna og unglinga æi Laugardals-, Háaleitis- og Bústaðahverfi.

• Búa til samráðshóp foreldra og félagsmiðstöðva
• Fastmóta samráðsfundi með: Umsjónakennurum, skólastjórnendum, námsráðgjafa, hjúkrunarfræðingi, þjónustumiðstöð og lögreglu

Að vera heilsueflandi félagsmiðstöð

• Innleiða meiri útiveru og útivist í starf félagsmiðstöðva
• Bjóða upp á holla hressingu í félagsmiðstöðinni. Að takmarka óhollustu í starfi félagsmiðstöðva.
• Hreyfing sé fastur hluti af starfi félagsmiðstöðva
• Móta stefnu í forvarnarmálum varðandi tóbak og önnur vímuefni sem og um kynheilbrigðismál.

Framtíðarsýn þessi og markmiðin eru sameiginleg öllum fimm félagsmiðstöðvum Kringlumýrar. Fyrir hvert þessara markmiða er að lágmarki ein aðgerð, sem hefur afmarkaðan tíma, ábyrgðaraðila auk þess sem skilgreint er hvernig skuli metið hvort markmiðið hafi náðst. Þessar aðgerðir eru ýmist sameiginlegar milli félagsmiðstöðvanna eða sérsniðnar að Þróttheimum og þeim börnum og unglingum sem sækja félagsmiðstöðina.

Þróttheimar setja sér einnig markmið í aðgerðaráætlun á ári hverju og í ár er lögð mikil áhersla á hópastarf.  Markmiðin eru:

• Að keyra hópastarf um jákvæða leiðtoga sem unnið var í síðasta vetur og nýta í það styrk sem fékkst frá embætti Landlæknis.
• Að auka samstarf við skóla, sér í lagi samstarf við kennara og deildarstjóra á miðstigi. Einnig viljum við vinna að hópastarfi á miðstigi á skólatíma
• Að vinna að aukinni fræðslu fyrir starfsfólk félagsmiðstöðvarinnar og tengja starfsfólk frístundaheimilisins við starfsfólk félagsmiðstöðvarinnar með sameiginlegum fræðslum og auknu samstarfi við frístundarheimilið.

Til að nálgast upplýsingar eða koma á framfæri einhverju tengdu aðgerðaráætlun er hægt að hafa samband við forstöðu- eða aðstoðarforstöðumenn Þróttheima í gegnum e-mail throttheimar@reykjavik.is

Þróttheimar og Langholtsskóli halda saman utan um nemendaráðið í skóla og eru starfsmenn Þróttheima og félagsstarfskennari Langholtsskóla sem hafa aðal umsjón á ráðinu.
Nemendaráðið er opið fyrir öll ungmenni í 8.-10. bekk í Langholtsskóla í byrjun skólastarfs. Ungmennin sjá um að skipuleggja skemmtilega dagskrá og viðburði í Þróttheimum ásamt því að vera til taks fyrir skólastarfið.
Skipt hefur verið upp nemendaráðinu svo allir sem vilja taka einhvern þátt fái að vera með.
Kjarninn er stærri hluti nemendaráðsins sem er með yfirsýn yfir skipulag og minni ráðin.
Ballráð sér um skipulag á böllum, skreytingar, tónlist, sjoppu, þema og fleira.