Föstudagsfréttir 4. júní 2021

Nú styttist í lok annar og við rembumst við að hafa sem mest gaman áður en frístundin klárast. Við buðum upp á bakaðar pylsur í smjördeigi í hressingu í dag og eftir það tókum við því fremur rólega. Við poppuðum og sýndum bíómynd inni í Geimstöð en þó voru margir sem kusu heldur að perla, föndra, spila Minecraft eða leika sér úti í rigningunni. Við höfum komið ýmsu í verk í vikunni. Við heimsóttum Fjölskyldu- og húsdýragarðinn (eins og við gerum reyndar nokkrum sinnum í viku þessa dagana), föndruðum fuglahús, löguðum rabbarbarasultu, bjuggum til ís, settum upp tjaldbúðir og margt fleira.

Við í Dalheimum þökkum fyrir vikuna og óskum ykkur góðrar helgar!