Heiða Björk frá Buskanum er rappari unga fólksins 2020
Á dögunum fór fram Rímnaflæði sem er rappkeppni Samfés. Keppnin fór fram með öðru sniði í ár vegna heimsfaraldursins en í staðin fyrir lifandi flutning og viðburð þar sem unglingar landsins koma saman tóku þátttakendur upp tónlistarmyndband og sendi inn. Félagsmiðstöðin Buskinn átti sitt framlag í ár.
Rímnaflæði hefur skapað sér fastan sess í dagskrárliðum félagsmiðstöðva um leið og hún vekur áhuga ungmenna á rappi og gefur því jákvæða umfjöllun. Á hverju ári sjáum við nýja og efnilega rappara sem sýna frábæra laga- og textasmíð.
Úrslit keppninnar voru tilkynnt á laugardagskvöldið síðasta þar sem kom í ljós að Heiða Björk Halldórsdóttir þátttakandi Buskans sigraði netkosningu Rímnaflæðis og hlaut því nafnbótina Rappari unga fólksins. Við í Buskanum erum mjög stolt og glöð með árangur Heiðu sem á framtíðina klárlega fyrir sér í þessu Atriði Heiðu má finna hér.
Sigurvegari Rímnaflæðis í ár var Jónas Víkingur Árnason frá félagsmiðstöðinni 100 og einn.
Til hamingju Heiða!