Langholtsskóli áfram í úrslit Skrekks!
Langholtsskóli komst áfram í úrslit Skrekks síðastliðinn þriðjudag!
Skrekkshópuinn þetta skólaár er virkilega vandaður og glæsilegur hópur og keppir fyrir hönd Langholtsskóla í Skrekk. Það hefur verið aðdáunarvert að fylgjast með hópnum takast á við fjölmargar áskoranirnar sem hafa komið upp á þessu misseri með mikilli þrautseigju og styrk. Þessi reynsla verður veganesti út lífið fyrir þennan einstaka hóp.
Við óskum skrekkshópnum innilega til hamingju og óskum þeim á sama tíma góðs gengis á úrslitakvöldinu sem mun fara fram mánudaginn 15. mars.
Í félagsmiðstöðinni Þróttheimum fylgdust fjölmargir samnemendur spenntir með keppninni og það má segja að gleðin hafi yfirtekið húsið þegar Langholtsskóli komst áfram. Spennan er mikil fyrir úrslitunum og mun Þróttheimar taka á móti nemendum í úrslitateiti mánudaginn 15. mars. Húsið mun opna 19:45 og boðið verður upp á góðar kræsingar, almenna gleði og skemmtun.