Nóvember í Þróttheimum!

Núna er nóvember genginn í garð og er nóg um að vera hjá okkur í Þróttheimum.
Á unglingastigi ætlum við að halda fullt af nýjum viðburðum sem starfsmanneskjur félagsmiðstöðvarinnar bjuggu til fyrir nóvember. Þar má sem dæmi nefna Viltu vinna Gistinótt? leikur byggður á vinsælum sjónvarpsþáttum Viltu vinna milljón þar sem unglingarnir keppast um að vinna miða á Gistinótt félagsmiðstöðvarinnar sem er haldin í þessum mánuði. Einnig ætlum við að halda óvænt kvöld þar sem enginn veit hvað gerist nema þær tvær starfsmanneskjur sem tóku að sér að skipuleggja það. Rúsínan í pylsuendanum er svo gistinóttin sem er 26.nóvember en þá geta unglingarnir komið og tekið þátt í smiðjum og afþreyingum í félagsmiðstöðinni fram á kvöld og svo er endað með því að gista í Þróttheimum.
Á miðstigi ætlum við að halda áfram að bjóða upp á spennandi smiðjur á miðvikudögum og sáum við að það var klárlega þörf á því að bæta einni smiðjuopnun við á miðvikudögum. Á sama tíma og við erum að bjóða upp á spennnandi smiðjur ætlum við líka að bjóða upp á skemmtilega dagskrá á opnum húsum og má sem dæmi nefna sundferð, útieldun og Tie dye bolamálun.

Hápunktur mánaðarins hjá okkur í Þróttheimum verður klárlega 17.nóvember en þá er Félagsmiðstöðvadagurinn haldinn hátíðlegur í öllum félagsmiðstöðvum Reykjavíkur. Við í Þróttheimum ætlum að bjóða alla nemendur í 5-7.bekk hjartanlega velkomna í félagsmiðstöðina þar sem við ætlum að vera með dagskrá fyrir alla fjölskylduna. Okkur hlakkar til að taka á móti ykkur þann 17.nóvember.

Bestu kveðjur

Starfsfólk Þróttheima