Sexan

Sexan er yfirheiti yfir sameiginlega viðburði félagsmiðstöðva Kringlumýrar. Þá er verið að tala um Þróttheima, Buskann, Bústaði, Tónabæ, Öskju og Laugó. Sexan skipuleggur ýmsa viðburði á borð við undankeppni fyrir söngkeppni  Samfés, eða söngkeppni Sexunnar. Sameiginleg böll eru kölluð sexuböll og stundum falla til aðrir viðburðir líkt og sexubingó eða fleira í þeim dúr.

Í gegnum tíðina hefur verið sexuráð en hefur það verið skipað þeim unglingum sem hafa farið á Landsmót Samfés og hefur vinnan í sexuráði þá verið að halda viðburði til að fjármagna ferðina á landsmótið. Þessi vinna hefur svo haldið áfram og fleiri viðburðir orðið til undir skipulagningu Sexuráðsins.