Sóttvarnir í Tónabæ í upphafi árs
Um leið og starfsfólk Tónabæjar sendir öllum hlýjar nýárskveðjur, þá langar okkur að segja hvernig starfinu í Tónabæ er háttað í ljósi aðstæðna í samfélaginu. Við erum mjög glöð að þurfa ekki að vera einungis í rafrænu starfi, heldur getum við tekið á móti krökkunum í félagsmiðstöðinni okkar.
Starfið verður þó ekki með hefðbundnu sniði vegna fjölda covid smita í samfélaginu.
Við höfum ákveðið að fylgja skólunum hvað varðar hólfaskiptingu, því er einungis opið fyrir einn árgang í einu í Tónabæ. Það fyrirkomulag mun haldast út janúar hið minnsta. Það eru sprittbrúsar víðsvegar um húsið og starfsfólk ber grímur ef ekki er hægt að tryggja tveggja metra fjarlægð.