Stíll 2022
Heil og sæl
Hönnunarkeppnin Stíll fer fram í Smárinn eða íþrótthúsinu Digranesi laugardaginn 26. mars kl. 12:00-17:00 í samstarfi við FÉLKÓ. Þemað sem valið var af Ungmennaráði Samfés er „GEIMURINN“ 🤖
Á Stíl koma saman og keppa unglingar af öllu landinu. Nú þegar hafa margir sent inn skráningu og gilda fyrri skráningar áfram.
Á þessum frábæra viðburði sem fyrst var haldinn árið 2000 tekur ungt fólk af öllu landinu þátt í fatahönnun, hárgreiðslu, förðun, framkomu og hönnunarmöppu. Það er gaman að segja frá því að Stíll er valáfangi í mörgum grunnskólum landsins í samstarfi við félagsmiðstöðvarnar. Markmið Stíls eru m.a. að hvetja ungt fólk til listsköpunar og um leið gefa þeim aukin tækifæri til frumlegrar hugsunar og sköpunarhæfileika.
Hvetjum unga fólkið til þátttöku á þessum frábæra viðburði.
Hérna er hægt að nálgast handbók Stíls https://samfes.is/images/Samfes/pdf/handbok-Still.pdf
Skráning fer fram í þinni félagsmiðstöð