Stuðstyrkur ungmennaráðsins

Ungmennaráð Laugardals, Háaleitis og Bústaða veitti fimm verkefnum stuðstyrk síðastliðinn þriðjudag. Stuðstyrkur er árlegt verkefni sem ungmennaráð í Reykjavík taka þátt í þar sem þau fá fjármagn til þess að styrkja hugmyndir og verkefni sem gagnast ungmennum í hverfunum. Hugmyndirnar mega koma frá ungmennum á aldrinum 13-18 ára. Þetta er gert til þess að ungmennaráðin geti haft bein áhrif á verkefni sem jafnaldrar þeirra hafa áhuga á að framkvæma innan hverfanna og geti hjálpað við að koma þeim af stað.

Þær umsóknir sem bárust voru fjölbreyttar og meðal þeirra verkefna sem styrkt voru í þetta skiptið voru styrkur til þess að bóka plötusnúð á jólaball, alls kyns hópefli og styrking klúbba í hverfinu og fleira.

Við hlökkum til að sjá þessi verkefni framkvæmd og vonum að sem flestir njóti góðs af.

Jólakveðja

Saga Ólafsdóttir

Umsjónarkona ungmennaráðsins