Þróttheimar í vetur!
Starf Þróttheima hefur hafið göngu sína á ný eftir spennandi sumarstarf í Laugardalnum. Líkt og áður bjóðum við upp á spennandi viðburði fyrir bæði 13-16 ára og 10-12 ára nemendur í Langholtskóla. Stefna okkar í Þróttheimum er að byggja starfið á spennandi dagskrá og hlýju umhverfi sem nemendum langar að sækja. Fyrir 13-16 ára er starf í boði alla daga vikunnar. Á þriðjudögum og fimmtudögum bjóðum við upp á dagopnanir frá 14:30-16:30. Á mánudags-, miðvikudags-, og föstudagskvöldum bjóðum við upp á viðburði og opið hús þar sem unglingarnir geta mætt og varið tíma sínum í jákvæðu og skemmtilegu umhverfi. Á þriðjudögum í vetur eru Þróttheimar í öðrum búningi þar sem við munum bjóða upp á klúbbakvöld þar sem starfsmenn taka á móti unglingunum í sérstakri dagskrá fyrir hvern klúbb. Ef unglingarnir hafa áhuga á einhverjum af klúbbunum okkar eru þau hvött til þess að hafa samband við okkur og skrá sig til leiks. Kvöldopnanir hjá 13-16 ára eru frá 19:30-22:00.
10-12 ára starfið okkar tekur breytingum á þessu skólaári en opið er fyrir hvern árgang tvisvar í viku og á miðvikudögum í vetur ætlum við að bjóða upp á sérstakar smiðjuopnanir á. Þegar það er smiðjuopnun er ekki opið hús eins og hefur verið áður en þess í stað eru starfsmenn Þróttheima búnir að skipuleggja smiðjur sem verða í boði. Smiðjurnar eru þátttakendum að kostnaðarlausu og þarf ekki að gera annað en að mæta ef krakkarnir vilja taka þátt.
Við starfsfólkið í Þróttheimum erum ótrúlega spennt fyrir vetrinum og hlökkum til allra þeirra góðu stunda sem við munum eiga með krökkunum.