Tónabær opnar

Tónabær hefur opnað aftur að loknu sumarstarfi!

Við höfum beðið spennt eftir því að taka á móti krökkunum og loksins kom að því.
Fimmti bekkur kom til okkar manna fyrstur og var gott sem allur árgangurinn kominn saman að kynnast starfinu í Tónabæ, við upplifðum mikla eftirvæntingu hjá hópnum og að öllum liði vel í opnu húsi hjá okkur. Sjötti og sjöundi bekkur komu í öllu sínu veldi og kynntu sér dagskránna og nutu sín vel í aðstöðunni okkar.

Unglingarnir fjölmenntu svo um kvöldið og bar hvað mest á áttundu bekkingum og tíundu bekkingum. Við erum spennt að taka á móti nýjum áttunda bekk og kynna þau enn betur fyrir starfinu okkar og reglunum sem hér gilda.

Veturinn leggst vel í okkur, krakkana og vonandi foreldrana líka.