Unglingar Kringlumýrar á Ráðabruggi

Þann 27. september fór fram ráðstefnan Ráðabrugg í Ráðhúsi Reykjavíkur um starf ungmennaráða á landinu. Ráðstefnan var haldin af Reykjavíkurráði og Ungmennaráði Skátanna og var hún styrkt af Erasmus+. Ráðstefnan var ætluð öllum þeim sem hafa áhuga á ungmennaráðum og því starfi sem þau vinna í heild sinni.

Dagskráin var fjölbreytt og skemmtileg. Margt var um að vera, spennandi erindi og málstofur og voru fjölmargir sem létu sjá sig. Þar á meðal voru það ungmenni úr félagsmiðstöðvunum í hverfinu, Laugardals, Háaleitis og Bústaða, Buskanum, Þróttheima og Öskju. Frá Kringlumýri fóru 5 unglingar sem tóku virkan þátt í ráðstefnunni og hyggjast halda vinnu þingsins áfram. Þessi ungmenni eiga það einmitt sameiginlegt að sitja í Ungmennaráði Sexunnar sem er ungmennaráð sex félagsmiðstöðva undir frístundamiðstöð Kringlumýri. Tvö ungmennanna sitja í hverfisráði og stóðu að ráðstefnunni Ráðabrugg. Ungmennin höfðu gagn og gaman að og þau tóku sig til ásamt öðrum gestum að fara á loftlagtsmótmælin á Austurvelli í hádeginu. Dagurinn gekk vonum framar og allir fóru sáttir heim.