Útidagur í Glaðheimum

Það er alltaf gleðidagur í Glaðheimum þegar Samúel kemur í heimsókn og við fengum hann í tvo daga þessa vikuna. Samúel er sérfræðingur í útleik á vegum Kringlumýrar og hann fer á milli frístundaheimila í hverfinu með spennandi dót eins og reipitog, teygjubyssu, skylmó og útieldun ásamt fleiru. Í dag sameinaði hann þetta allt í einn risa útidag og börnin tóku vel í þá gleði. Þau létu rigninguna ekki stoppa sig og skemmtu sér konunglega eins og sjá má á þessum myndum.