Útilega unglingastarfs
Helgina 28-29.júní fór unglingastarf Kringlumýrar í útilegu. Haldið var á Hvaleyrarvatn rétt fyrir utan Hafnafjörð þar sem slegið var upp tjaldbúðum. Veðrið lék við unglingana sem að nutu sín í kvöldsólinni, grilluðu og spiluðu á gítar við varðeldinn.
Að okkar mati er þetta gríðarlega gott tækifæri til að kenna unglingum að nýta þá útivist sem er í bakgarðinum hjá okkur og sýna ungu fólk hversu mikil tækifæri liggja í náttúru landsins. Hér fá unglingar tækifæri til að ferðast saman með jafnöldrum sem þau bæði þekkja vel og öðrum sem þau fá tækifæri til að kynnast í ferðinni. Uppeldisgildi slíkra ferða getur verið mjög mikið og eftir sátu gríðarlega sáttir unglingar sem komu reynslunni ríkari heim.