Vikan í Krakkakoti!

Það er búið að vera mikið fjör í Krakkakoti í þessari viku en við erum búin að gera margt skemmtilegt. Hann Samuel var hjá okkur fyrri part af vikunni en hann fór með krakkana út í snjóhúsagerð. Börnin lærðu þar nýja aðferð til að búa til snjóhús og fannst það vera mjög skemmtilegt. Samuel veiktist svo á miðvikudeginum og hefur ekkert verið hjá okkur eftir það.

Þær hugmyndir sem sem barnaráðið valdi til framkvæmda eru búnar að vera á helstu dagskrá í þessari viku en á mánudeginum var að byggja snjóhús, á þriðjudeginum var að fara í Ljósálf inn í íþróttasal, á miðvikudeginum máluðu krakkarnir steina og nú föstudag verður það Roblox í tölvum.

Í vikunni vorum við einnig með Vísindaklúbb þar sem krakkarnir gerðu ýmsar tilraunir eins og t.d. Dósasíma og Litasinfóníu. Einnig var Leikjakot og Spilavagninn mikið notað.

3. – og 4. bekkjarfjör hafa farið á fullt en 3. bekkur fór í ratleik á skólalóðinni og heppnaðist hann mjög vel. Svo var 4. bekkur með að horfa á youtube inn á bókasafni og nú í dag verður það margvinsæla Minute to Win it keppni.

Góða helgi!