Félagsmiðstöðin Buskinn
Skeiðarvogi
104 Reykjavík
Sími: 695-5048 / 695-5079
Buskinn er félagsmiðstöð á vegum Skóla- og frístundasviðs fyrir nemendur Vogaskóla, starfrækt af Frístundamiðstöðinni Kringlumýri. Markhópurinn eru börn og unglingar í 5. – 10. bekk.
Áhersla er lögð á fjölbreytt og skemmtilegt starf fyrir unglinga í 8. – 10. bekk. Mikil áhersla er lögð á unglingalýðræði og að virkja gesti félagsmiðstöðvarinnar í að hrinda hugmyndum sínum í framkvæmd.
Boðið er upp á opið starf og ýmiskonar klúbbar eru starfandi eftir áhugasviði og þörfum þeirra einstaklinga sem sækja staðinn. Þá eru haldnar ýmsar uppákomur og verkefni í samstafi við börn, foreldra, skóla og aðra samstarfsaðila í hverfinu.
Að auki er mikil áhersla lögð á fræðslu um ýmis málefni tengdum lífsleikni og má þar nefna fræðslu gegn fordómum, forvarnir gegn vímuefnum, stuðningur við jákvæða sjálfsmynd og margt fleira.
Mikil áhersla er lögð á gott samstarf við foreldra/forráðamenn og alla þá aðila sem koma að uppeldismálum í hverfinu. Þá leggjum við mikið upp úr því að félagsmiðstöðin sé sýnileg og opin þeim sem áhuga hafa á að kynna sér starfsemina.
Forstöðumaður Buskans er Magnús Björgvin Sigurðsson og aðstoðarforstöðumaður er Auðun Ingi Hrólfsson
Félagsmiðstöðin Buskinn
Vogaskóla – 104 Reykjavík
Erna vinnur á mánudags- og miðvikudagskvöldum og annaðhvert föstudagskvöld.
Félagsmiðstöðin Buskinn
Vogaskóla – 104 Reykjavík
Anna vinnur á mánudags- og miðvikudagskvöldum og annaðhvert föstudagskvöld.
Félagsmiðstöðin Buskinn
Vogaskóla – 104 Reykjavík
Dagmar vinnur á mánudags- og miðvikudagskvöldum og annaðhvert föstudagskvöld.
Félagsmiðstöðin Buskinn
Vogaskóla – 104 Reykjavík
Margrét vinnur á mánudags- og miðvikudagskvöldum og annaðhvert föstudagskvöld.
Félagsmiðstöðin Buskinn
Vogaskóla – 104 Reykjavík
Elías vinnur á mánudagskvöldum og annaðhvert föstudagskvöld.
Markmið Buskans er að bjóða upp á fjölbreytt, skapandi og skemmtilegt starf fyrir börn og unglinga í hverfinu. Í því felst að skapa jákvætt andrúmsloft og umhverfi þar sem hægt er að þjálfa lykilfærni hjá börnum og unglingum með áherslu á óformlegt nám, samskipta- og félagsfærni, virkni og þátttöku ásamt styrkingu sjálfsmyndar. Lagt er upp með að bjóða upp á fjölbreytt viðfangsefni í hverjum mánuði sem höfðar til ólíkra barna og unglinga með mismunandi áhugasvið og tryggja þeim öruggt umhverfi sem þeim líður vel í. Að auki er mikil áhersla lögð á fræðslu gegn fordómum og forvarnir gegn vímuefnum.
Í Buskanum er í gildi aðgerðaráætlun sem unnin var í samvinnu við hinar félagsmiðstöðvar Kringlumýar. Aðgerðaráætlunin hefur það að marki að skýrar áætlanir séu til fyrir starfsfólk Buskans til að ná þeim markmiðum sem sett eru fyrir félagsmiðstöðvastarfið. Fyrir hvert skólaár er sett niður ákveðin framtíðarsýn og fyrir hvern lið hennar eru sett markmið sem lúta að því að láta þá framtíðarsýn rætast.
Framtiðarsýn og markmið Buskans eru eftirfarandi:
Að vera leiðand í eflingu félagsþroska og samfélagsvitund barna og unglinga í Laugardals-, Háaleitis- og Bústaðahverfi
Að veita heilstætt frítímastarf fyrir aldurinn 10-16 ára í Laugardals-, Háaleitis- og Bústaðahverfi.
Að starfsfólk félagsmiðstöðva fái þjálfun og fræðslu við hæfi til að starfa með börnum og unglingum í Laugardals-, Háaleitis- og Bústaðahverfi.
Auka samráð og samstarf við alla aðila sem koma að málefnum barna og unglinga æi Laugardals-, Háaleitis- og Bústaðahverfi.
Að vera heilsueflandi félagsmiðstöð
Framtíðarsýn þessi og markmiðin eru sameiginleg öllum fimm félagsmiðstöðvum Kringlumýrar. Fyrir hvert þessara markmiða er að lágmarki ein aðgerð, sem hefur afmarkaðan tíma, ábyrgðaraðila auk þess sem skilgreint er hvernig skuli metið hvort markmiðið hafi náðst. Þessar aðgerðir eru ýmist sameiginlegar milli félagsmiðstöðvanna eða sérsniðnar að Buskanum og þeim börnum og unglingum sem sækja félagsmiðstöðina.
Til að nálgast upplýsingar eða koma á framfæri einhverju tengdu aðgerðaráætlun er hægt að hafa samband við forstöðu- eða aðstoðarforstöðukonu Buskans eða á buskinn@reykjavik.is.
Aðgerðaráætlunina í heild má nálgast hér: Aðgerðaráætlun
Í Buskanum er virkt unglingalýðræði og leggjum við áherslu á að sem flestir komi að skipulagi starfsins svo það verði sem fjölbreyttast og að allir geti fundið eitthvað við sitt hæfi. Buskinn er í virku samráði við nemendaráð Vogaskóla þar sem unglingarnir geta haft áhrif á starf og aðstöðu Buskans.
Stefnt er á að bjóða uppá ákveðin ráð eða klúbba sem geta haft bein áhrif á starfið. Þá verða einu sinni í mánuði haldin dagskrárgerðarkvöld þar sem allir geta mætt og tekið þátt í að móta starf næsta mánaðar. Með þessum hætti vonumst við til þess að sem flestir geti tekið virkan þátt í starfi Buskans og komið hugmyndum sínum í framkvæmd.