Frístundahreysti Guluhlíðar
Frístundahreysti Guluhlíðar var haldið með pompi og prakt í Laugardalshöllinni í gær þann 4. apríl. Þetta er annað árið í röð sem við höldum slíkan viðburð sem forsetinn okkar hann Guðni Th. Jóhannesson setti að þessu sinni og tók Áttan svo við með tónlistaratriði.
Frístundaheimilið Gulahlíð sem er fyrir börn í 1.-4. bekk og félagsmiðstöðin Askja sem er fyrir börn í 5.-10. bekk tóku þátt í þrautabrautinni. Kyndilhlaup lögreglunnar og landsliðið í Taekwondo hvöttu börnin áfram og sýndu þeim stuðning í brautinni.
Að þrautabraut lokinni dönsuðu börnin í Guluhlíð við “Chocolate” sem þau hafa æft í vetur. Síðan tóku allir saman “Súperman lagið” sem vakti mikla lukku.
Kyndilhlaup lögreglunnar og landsliðið í Taekwondo sáu um verðlaunaafhendingu þar sem börnin fengu hvert sína medalíu og brúsa merktan viðburðinum.