Samuel í heimsókn.
Þessa vikuna erum við svo heppin í Krakkakoti að hafa hann Samuel í heimsókn.
Samuel er gjarnan kallaður útivistagarpur Kringlumýrar, þar sem hann fær að flakka á milli frístundaheimilanna og koma með skemmtilegar útivistahugmyndir og tilraunir.
Á mánudaginn var hann reyndar bara inn í íþróttasal með skylmó en hann er einmitt höfuðpaur skylmósins og hefur því mjög gaman af því að sjá hvar krakkarnir standa í þeim málum þegar hann kemur í heimsókn.
Í dag var hann úti með reipitog og bara almennt að njóta sólarinnar með krökkunum.
Á morgun miðvkudag er ekkert ákveðið ennþá þar sem mögulega þarf hann að kenna námskeið um gerð skylmó vopna upp í Gufunesi. Við vonum samt pínulítið að ekki verði af því bara svo við græðum að hafa hann hjá okkur.
Á fimmtudaginn verður hér æfð bogfimi og á föstudaginn ef veður leyfir verðum við með smá útieldun þar sem hann ætlar að vera með sykruð epli á pinnum. Ef veðrið verður hinsvegar leiðinlegt við okkur og alveg ómögulegt þá mun hann kenna eldri börnunum að tálga inn í föndurkoti. Seinna meir fær 1. bekkur að þjálfa sig í að tálga með smjörhnífum og sápu en það bíður betri tíma.