Barnamenningarhátíð í Glaðheimum

Glaðheimar taka þátt í Barnamenningarhátíð í ár með listasýningu og útgáfu á brandarabók Kringlumýrar á morgun, föstudaginn 12. apríl. Við bjóðum foreldrum að koma og fagna með okkur yfir kaffibolla og kexköku milli 16-17:00. Við bjóðum ykkur að koma og skoða þau verk sem börnin hafa unnið í listasmiðjunni en þar má meðal annars finna mósaík verk, þrykk og málningarverk. Hérna að ofan má sjá nokkur börn að vinna í stóru mósaík verki en þar fengu börnin flís þar sem búið var að strika fyrir heildarmyndinni og hvert og eitt barn sem hafði áhuga fékk að gera sinn part af stóru listaverki. Verkin sem voru notuð voru eftir Louisu Mattíasdóttur en hún hefur unnið mörg falleg verk úr íslenskri náttúru sem við fengum að afrita.

Við hlökkum til að sjá ykkur sem flest og óskum ykkur gleðilegrar Barnamenningarhátíðar