Félagsmiðstöðvadagurinn 14.nóv í Þróttheimum

Miðvikudaginn 14.nóv ætla Þróttheimar, ásamt félagsmiðstöðvum landsins, að halda félagsmiðstöðvadaginn hátíðlegan. Starfsfólk Þróttheima ætlar að bjóða í heimsókn öllum þeim börnum sem við þjónustum í heimsókn ásamt vinum, fjölskyldu, nágrönnum og öðrum áhugasömum. Við ætlum að sýna atriði Langholtsskóla á Skrekk á stórum skjál og njóta þess að horfa á þessa mögnuðu unglinga sýna hæfileika sína. Einnig bjóðum við gestum að skella sér í just dance, spila pool og borðtennis og læra ný borðspil. Á meðan á þessu stendur verður hægt að næla sér í pönnsur og kakó í boði Þróttheima.

Við vonumst til að sjá sem flesta og hlökkum til að taka á móti ykkur í fallegu félagsmiðstöðinni okkar