Glaðheimapopp komið á fullt á ný
Glaðheimapopp er verkefni sem fór af stað seinasta vetur þar sem börnin voru að búa til tónlist í samstarfi við starfsmenn Glaðheima. Í fyrra varð til lagið Kvak Kvak sem börnin sömdu sjálf og gerðu svo myndband við. Núna er allt komið á fullt í næsta lagi og styttist því óðum í að næsta Glaðheimalag verði gefið út. Það reynist sumum börnunum erfitt að syngja í míkrafóninn en þau sem hafa fundið kjarkinn í það fara upp í stúdíó á efri hæðinni, en við erum svo heppin að fá að samnýta stúdíó með félagsmiðstöðinni Þróttheimum á efri hæðinni. Þar hafa þau ýmist verið að æfa sig að syngja bull eða prufa sig áfram að semja texta og syngja hann.
Recent Posts