Gleði í Laugarseli

Í síðustu viku var haldinn fyrsti mikilvægi fundur ársins. Á honum var farið yfir hugmyndir krakkana um klúbba og val í Laugarseli. Fyrst voru allar hugmyndirnar flokkaðar í þrjá flokka, framkvæmanlegar (hægt), óframkvæmanlegar (kannski hægt) og ógildar (grín) hugmyndir. Næst var kosið um tvær hugmyndir úr framkvæmanlega flokknum til að framkvæma í komandi viku. Niðurstaðan var skotbolti og skák.

Miðvikudaginn var skotbolti í íþróttasalnum, en Jónsi var meðal annars með köngulóaskotbolta.
Fimmtudaginn var svo tafl sem mörgum fannst gaman.

Jónsi var með ýmislegt þessa viku, en hann kom einnig með keilusett og setti upp keilubraut í matsalnum, börnunum til mikillar ánægju. Hann var með alls konar leiki og íþróttatengda viðburði þessa vikuna.

Þessi vika var einnig þemavika hjá okkur, en við erum að skerpa á þekkingu gilda Kringlumýrar, sem eru auðvitað gildin okkar, en þau eru gleði, fjölbreytileiki og fagmennska. Þessi vika var Gleði tekið fyrir, en þá var föndrað nokkur plaköt sem eru sýnileg á ýmsum stöðum í Laugarseli. Meðal annars er plakat um leið og labbað er inn í fatahenginu þar sem má sjá orðið gleði á nokkrum tungumálum, en þau eru íslenska, enska, þýska, portúgalska, spænska, pólska og Urdu. En þessi tungumál eru móðurmál starfsmanna í Laugarseli.

Hér má sjá myndir frá liðinni viku.