Vika 2 í máli og myndum

Vikuna 12.-16.júní var Víkingaþema sem litaði vikuna. Krakkarnir bjuggu til skikkjur sem þau lituðu og hönnuðu sjálf. Þau voru mjög frumleg og skapandi í skikkjugerð sinni, en þau voru að vinna í henni nánast á hverjum degi fram á föstudag.

Við fórum í Þjóðminjasafnið og kíktum á munina þar, ásamt krakkaherberginu þar sem hægt er að fara í alls konar búninga og leika með gamaldags dót.  Sama dag fórum við í leiki í góða veðrinu í Hljómskólagarðinum.

Á miðvikudeginum kíktum við í Laugardalslaug sem er alltaf góð skemmtun og áttum góðan dag í Laugarseli þar sem við fórum í skylmó og fleira.

Á fimmtudeginum vorum við svo heppin að fá frístundaheimilið Vogasel í heimssókn til okkar. Það var slegið í lítið víkingapartý, með skylmó, bogfimi, andlitsmálningu og útieldun þar sem grillað var sykurpúðar og poppað popp. Einnig tókum við grillið fram og skelltum pulsum á grillið öllum til mikillar ánægju.

Föstudagurinn var svo loka víkingarhátíðardagurinn. Við tókum strætó í Hafnarfjörðinn og fórum í Hellisgerði þar sem önnur frístundaheimili Kringlumýrar voru að leika sér og í skylmó. Við fórum stolt með skikkjurnar okkar sem krakkarnir voru búin að vera svo dugleg að gera alla vikuna. Enduðum á því að fara á Víkingahátíðina í Hafnarfirði og skoðuðum okkur um þar.

Takk fyrir vikuna!