Frábær félagsmiðstöðvardagur að baki
Miðvikudaginn 1.nóvember héldu allar félagsmiðstöðvar á landinu upp á Félagsmiðstöðvadaginn. Félagsmiðstöðvarnar hjá Kringlumýri voru þar ekki undanskildar og héldu opin hús fyrir foreldra/forráðamenn, fjölskyldur og aðra sem áhuga hafa á félagsmiðstöðvastarfi, þar sem sagt var frá starfsemi félagsmiðstöðvanna, hæfileikaríkir unglingar stigu á stokk með ýmis atriði, opnar smiðjur svo eitthvað sé nefnt.
Góður dagur að baki sem vonandi gaf gestum innsýn í það fjölbreytta starf sem félagsmiðstöðvar bjóða upp á.
Örstutt mynband fær að fylgja með þar sem unglingar í félagsmiðstöðvum segja frá framtíðardraumum sínum ásamt tengli á facebooksíðu Kringlumýrar þar sem hægt er að sjá skemmtilegt myndband frá sjálfum deginum.